Er ennþá stödd í sumarbústað og það er aftur farið að snjóa.Valgerður mín kom til mömslunnar sinnar í gær og var í nótt og ætlar að vera aðra. Vorum komnar í pottinn um kl.10 00 í morgun eftir að hafa borðað "hollan" molgunmat, ég segi molgunmat af því að þegar hún var lítil var hún svo mikil matmanneskja og er reyndar ennþá en oftast áður en hún fór að sofa á kvöldin spurði hún mig "mamma hvað velður í molgunmat á molgun" átti svolítið lengi erfitt með s og r þessi elska en allt komið í lag núna, enda orðin 24 ára. En núna ætlum við að hafa það ógó kósý í dag glápa á video og háma í okkur nammi uss ekki segja svo að fara aftur og aftur í pottinn þegar okkur listir ekki leiðinlegur mánudagur þetta. 

Hafið allir sem lesið þetta góðan mánudag  

Já er komin í sumarbústað með miklu meiri lúxus en hjólhýsið mitt hefur upp á að bjóða,  en þó skrýtið sé finnst mér ég vera miklu öruggari í hýsinu mínu þar sé ég hvern fermetra skrýtið.

Var heima í eina viku sá "Veðramót" mynd Guðnýar Halldórs. finnst þetta gott framtak og sýndi mér svo vel að enn þann dag í dag eru fórnalömb kynferðisafbrota "óþægileg" verðum að laga það og uppræta brotamenn  en ég ætla semsé að vera hér í eina viku og reyna að klára bókina mína.

Svo á ég afmæli á morgun þá eru 4 ár upp á dag síðan ég kom fyrst í Stígamót eitt af bestu gæfusporum lífs míns  á von á allavegna einni S.M. konu í heimsókn á morgun hlakka mikið til.

Vona að allir sem lesa þetta hafi góðar stundir  

Sit hér ein í hjólhýsinu mínu og er búin að vera síðan á mánudag, fyrst í roki svo miklu að hýsið hristist og skalf og grenjandi rigningu með smá hléi í gær en vaknaði svo í nótt við beljandi rigninguna á þakinu, fannst það bara notalegt,snéri mér bara á hina hliðina og sofnaði aftur.

Get ekki lýst í orðum hvað mér finnst gott að vera svona ein með sjálfri mér, fer í göngutúra,les og skrifa er nefnilega að skrifa söguna mína sem vonandi kemur einhvern tíman út. 

Í gær um kl. 20.00 gekk ég um litla þorpið sem ég bý í þessa dagana og það var ekki hræða á ferli örugglega allir að horfa á fréttir og mér leið eins og ég held að "Palli einn í heiminum" leið.

Það er ekki svo að ég sé einfari í eðli mínu á stóra fjölskyldu sem ég hugsa mjög vel um og þykir vænst um af öllum en hef oft langað til að prófa þetta og hef leyftmér það í sumar, nokkra daga í senn með smá hléum. Ég er semsé ein með sjálfri mér, hef bara félagskap af mér og finnst ég bara mjög skemmtileg. 

Hafið þið  það öll sem allra best.   

Snemma vors tók ég þá ákvörðun að taka mér 4 mán. síðbúið fæðingaorlof  en ég á 5 börn sem eru á aldrinum 39-18 ára og þegar ég átti þau var fríið bara voða stutt. En ég hætti að vinna 1 maí og tók mér líka frí frá mótorhjólakennslunni en ég sem ég byrjuð að læra á fyrr í vor.Sumarið fór fram úr mínum björtustu vonum. Í maí fór ég til Akureyrar til eldri dóttur minnar sem er í Háskólanum þar og stelpunnar hennar sem er 7 ára yndi og var þar í 2 vikur yngri dóttir mín kom svo um hvítasunnuna og var með okkur, hittum m.a. Stígamótafólk á Dalvík þ.e.a.s. ég,dætur mínar, ( önnur söng þar, söngkonan mín) stjúpmamma þeirra sem sagði sögu ömmu sinnar og ömmustelpan mín sem sé 5 fræknar. Fór síðan í skírn Magnúsar Guðna á Búðum sjómannadagshelgina en hann er fyrsta langömmubarnið mitt og ég bara 55 ára langamma, síðan á Spán í 1 viku með 7 tíma fyrirvara "cool" Þegar ég kom heim þá var hjólhýsið sem við hjónin höfðum pantað komið til landsins svo við fórum í nokkra daga ferðalag ,komum heim og ég fór eina helgi með 1 barnabarn á Flúðir og hittum þar frábæra vini, vikuna þar á eftir varð tengdamamma 95 ára og yngsti sonur minn 18 ára sannkölluð afmælisvika svo brunaði ég ein til Grindarvíkur og var ein í hj.hýsinu mínu í 4 daga (hugrekkisverkefni) sat þar við skriftir en ég er skúffuskáld eða þannig. Fór síðan með hj.hýsið á Flúðir strax eftir V.M helgi  og við dóttir mín barnabarn, syskinabarn og mágkona vorum saman í fjóra daga og síðan var ég aftur ein, er bara hrædd um að ég sé að verða háð þessu og ætla að vera þar við skriftir fram í miðjan sept. með smá hléum samt.Þannig að ég er búin að eiga mjög gott fæðingarorlof án þess að vera með barn á brjósti eða bleiju